April 21, 2008
يا من تجيب المضطر اذا دعاك وتكشف السوء ،، اشف هديل
اللهم اشف هديل ،، اللهم اشف هديل
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
هديل إنتي أقوى ..
نستناك ياصديقة
دعواتكم “أرجوكم” لهديل الحضيف
في كل صلاة
في كل صباح
في كل وقت
*خبر في الساحات من الـ د.محمد الحضيف والد المدونة هديل
مصنف في: كول حاقة | | التعليقات: 14 »
April 20, 2008
تم اطلاق موقع للبث المباشر من المسجد الحرام بمكة المكرمة
يعني الحين لاقالوا حريمكم خل نروح لمكه مب على طول تقولون لالا زحمه زحمه
ترا يمديهم يشوفونها بالكاميرا ويكفشونككم هع >> ياخف دمك بس
الله يعطي العافيه صاحب الفكرة ومصممها والقائمين عليييها ويسعدهم
http://live.gph.gov.sa/
بالاضافة لمواد دينية بطلة تتحمل من موقع بوابة الحرمين
تلاوات وخطب ودروس
شغغللل يكبكب أجر ماشاءالله 
مصنف في: كول حاقة | | التعليقات: 8 »
April 7, 2008
تستغرب وضع الشركات عندنا بالسعودية كيف تقعد ترجفك وتعطيك دبل كيكات تبي تصرفك ، ونظل متمسكييين فيها بكل عنف هع !
يعني شوي ويطلعون لك شعار “شركه الاتصالات السعودية : ياخي بالعربي مانبيك افهمها عاد وفكنا امتلينا فلوس ”
يعني كل شركه بالعالم تحط عروض مهولة للاتصالات ! شوي ويحبون رجلك تكفى تعال معنا
واللي عندنا بس شغالين قحش فلوس بحق وبغير حق 
وعروض تنحط تسكيته مدري لمين!
جد يعني المجاكر الاعلاني بين الجوال وموبايلي !وش فايدته اذا ماكان ساري هع !؟
بين يوم وليلة قرر أبوي يحول خطه لموبايلي!
بعد صدمة اضافة مبلغ مايدري عنه! بين يوم وليله تزيد فاتورته حوالي ٦٠ ريال!
I dunno but is aljawal charging us for not calling 
!
مدري بس هل هي قاعده؟
اذا طلع المواطن محترم يسدد فواتيره بوقتها و يغض الطرف عن نصبكم
فـ لكم كامل الحق تتلاعبون به؟
هذا غير برنامج قطاف!
هل الهدف منه قطف فلوسنا؟ >>== أتعب عالساركازم انا هع 
أطلب خدمه أخذ ميه دقيقه مكالمات مجانية ، وتلقى الفاتورة زايده!
الا كان قصدهم مجاني بفلوس؟ هنا لالا معاهم حق هع !
يلا عقبال ماتجي شركه للخط الثابت عشان نغير خطوطنا!
أجل سرعه ٥١٢ ماتاخذ منها تحميل الا ١٤ كيلوبايت !
نعنبوهم بيتفعون من هالفلوس ماعدلوا خدمتهم
يخرخرون “يصبصبون” فلوس من كل مكان! ما ادري وين تروح!
ياخي خل يسبحون فيها ويطبون صاروخ بعد الله يبارك لهم ويزيدهم ! بس خصصوا ربعها عالخدمة ! اللي قاعدين تاخذون فلوس على افتراض وجودها!
نوف الساخطه عالمجتمع الي عندها بكره ميد اوبريتنق سستم وتبي دعواتكم
(f)
مصنف في: كول حاقة, WHAT THE??! | | التعليقات: 11 »
March 22, 2008
يازييين السببببت زيناه هع
>> منزله استاذتهم ام ساعتين اعتذار عن اليوم هع
لاعاد القهر يجيك لاقعدت تتسحب عشان تقوم وكل شوي تقول بس شوي بس شوي
وبس تشوف ان المخلوقه هذي مب جايه الا ويطق الادرينالين مليون >> تسمع بالثقافه هع
ويطير النوم وكل شي يونس هع
man i love wakin up early in the morning <<ايه هين هع
ياخي صدق صدق ليه لما يصير الاستاذ يقهرك ماتتحمس للماده!
ياليت يصير فيه موجهات للجامعات ، لجنة كذا صدقيه تشوف وش هالاستاذات يسوون من وراهم 
عندي ماده اسمها system programing
احبها حبن جمن ، وكني بزر اذا هذاك اليوم عندي هالمادة اتحمس واقوم وكلي نشاط
لاحظوا اني بتهور وانزل اللينكس على جهازي بس عشانها
اما الثانيه ! كرهتني بقسمي وتخصصي وكل شي
ياخي لاجاك واحد مايراعي ! ولاحركه اللي يدخل بعدي مانيب محضرته!
اجل ليييييييه انا جايه عشان وجهك الجميييل >> نوف ذات انفجار مشاعر هع
لا وتتحمس تقل ماندرس الا مادتها!
انا مافقع مرارتي الا انها بتكوزنا بتشابتر محذوف ودسم بعد مليان معلومات!
وعشقها الازلي تاخذ بريكاتنا “عندنا بالامام فسحه هع هذا احلى شي بالجامعه الوقت اللي نضمن اننا نجتمع فيه”
وتجيك هذي !
she keeps ruinin my life 
وانا بس امسك نفسي بالقاعه تعرف الشعور اللي تحس يدك بتتحرك لاشعوريا تشيل شنطتك وترنعها بجبهتها
هذا غير الدوافير اللي عندنا! ياخي مصدقين نفسهم تخصص علوم!
im allergic to dwafeer
صحيح فيه دوافير اخلاق بس صايرين شويين 
بس اكتشفت شي! لاتسكت عن حقك! اذا بترسب في قريييح هي خربانه خربانه هع
نوف اللي تغيرت وصارت تروح للاستاذات بمكاتبهم تتهاوش معهم هع *واحد رافع الكاس هع *
وصباحكم صدقي >> ترفقي بس يالام بي سي اف ام وطسي نامي هع
مصنف في: كول حاقة, WHAT THE??!, photography | | التعليقات: 10 »
March 8, 2008
ياخي مابي اداوم
ماااااااابي اداااااااااااااوم
ياخي ليه ماتخلون الحريم يسوقون بس اليوم عشان ارجع بيتنا :\
ياخي احد يحط اول ساعتين بس دوام وباقي اليوم ماعندك شي
لااا ولاجيت تطلع هات ياتعقيدات ، ان كان ابوك اللي بياخذك راس مالها ربع ساعه وانتي طاسه
بس ابوك الله يحفظه ويرعاه معطيك ركبه
بس لو صار سواق يقلع اما القلق! ورقه من مدري منهو وصوره من الشغاله ودخليها كل مره يتاكدون هي هي ولالا يعني لو جبتي شغاله ثانيه مافيه طلعه هع
وصوره من السواق وتوقيع من عميد حيكم
i never knew such guy exists a9laaaan
حتى لو امك بتجي مع السواق نفس التعقيدات اعلاه !بس عاد بدون صوره خير ان شاء الله!
تمسكوا بس يالجوازات
عاد لو غابت المخلوقه هذي ام ساعتين بادخل عالوكيله افجر في مكتبها ، لان ذيك غايبه ولافيني استنى لين تداوم هع
جامعتنا الموقرة أكرهك فروم ذا بتم اوف ماي هاارررت
نوف ذات حلطمه وفيها النوم :\
ايه ووش شريتوا من معرض الكتاب؟
اي توصيات؟
مصنف في: كول حاقة, رف كتب, WHAT THE??! | | التعليقات: 12 »
